Google Assistant bëhet Super Saiyan :)

Easter Eggs në software janë kaq tërheqëse, e ke parasysh ato hilet e vogla të fshehura që gjenden nëpër skuta të aksesueshme nga kuriozët më të mëdhenj, si Flappy Bird tek Android 5.0 apo të tjera versione. Edhe pse nuk e bën më me sistemet e veta operative, Google vazhdon që herë pas here të na surprizojë me marifete të vogla ku i shkel syrin elementeve të veçanta të kulturës pop të brezave të ndryshëm.

E duket se radha i ka ardhur serisë së anime-ve që rritën brezin e 90-ës Dragon Ball Z. Nëse i thua Assistant-it të bëhet Super Saiyan ai do të imitojë Gokun teksa transformohet. Nuk do ia dalë me të parën, madje do përpiqet dy herë derisa të marrë zjarr, pra mesa duket e asistenti vokal po imiton herën e parë kur Goku provon të zbërthejë potencialin e plotë të gjakut të tij Saiyan. E kush nga ne nuk e ka provuar, qoftë në dhomë fshehur nga gjithë bota, qoftë në sy të shokëve, duke ulërirë në kupë të qiellit derisa skuqeshim në fytyrë nga gjaku që vërshonte lart, për të na luhatur tensionin, e sytë shkonin xixa duke menduar se po ia dilnim. Eh, kohë të bukura. 

Duhet të të lajmërojmë ama që performanca e Google Assistant nuk është nga më rrëqethëset, krejt e kundërta, shqiptimi robotik i jep një ndjesi të çuditshme. 
Në mënyrë që të funksionojnë edhe për ty, duhet ta kthesh gjuhën e asistentit në; US Eglish dhe të thuash "Go Super Saiyan"

Burimi: Geek Room ® Albania -Tech Show

https://www.youtube.com/watch?v=8u6hdphKQ7s&feature=youtu.be

Smart Devices ne Albagame

https://albagame.al/collections/smart-devices?page=1&rb_filter_ptag_949c4c895481c785d5246dd3052c42e5=Google

# aparat#albagame#albagame albania#best computer#game news#gamers#gaming pc#mojang#mrbeast#pc gamer